Волонтерлік- халықтың шынайы болмысы.

«Игі іспен айналысу, адам­дарға жақсылық жасау – хал­қы­мыздың көне заманнан келе жат­қан дәстүрі. Біз осы дәстүрді сақтап қалуымыз керек. Себебі біреу­ге қол ұшын созып, қолдау көрсету – қанымызға сіңген қасиет. Халқымызда осындай бере­ке-бірлікке шақыратын «Асар» дәстүрі бар. Бұл – ғасырлар бойы құн­дылығын жоймаған ата салты­мыз. «Жұмыла көтерген жүк жеңіл» дейді халқымыз. Волон­терлік қызметтің басты мақсаты да – бірге жұмылып, халыққа қыз­мет ету», деді Қ.Тоқаев. Мемлекет басшысының ай­туын­ша, патриотизм, қоғамға қыз­мет ету және игілікті іс – адам­ның тұлғалық және рухани дамуы­ның жоғары деңгейінің жарқын көрінісі.
Осындай игі істерді ұйымдастырып, Луначарская көшесіндегі МКҚК «Ақбота» бөбекжайының ауласын қардан тазалауға көмектескен «Spartа» спорт клубының тренері Миниханов Радмирға алғысымыз шексіз. Өзінің командасын асарлатып, бөбекжай ауласын тұтастай қардан тазартуға көмегін тигізді. Радмирдің бұл асары, қазіргі наурыз мерекесін тойлаудағы «Жайлау күніне» де тұспа-тұс келіп отыр. Бұл күні табиғат аясында серуендеуге жағдай жасалып, қоқыс тазарту, көшет егу шаралары ұйымдастырылады. Енді біздің ауа-райына байланысты, көшет егу ол әлі алда. Бастысы кішкентай тәрбиеленушілердің алаңшықтарын қардан тазалау мәселесін оңай шешіп берді.  Миниханов Радмирге және оның спорт клубының жеткіншектеріне көптен-көп рахметімізді айтып, алғысымызды білдіреміз.