Ұлыстың ұлы күні Наурыз мейрамы!

Наурыз мейрамы ежелгі заманнан қалыптасқан жыл бастау мейрамы. Наурыз мейрамы 22 наурыз күні аталып өтіледі. Наурыз парсы, кавказ және түрік халықтарының арасында көктем мейрамы және жаңа жылдың басталуы ретінде тойланады. Халықтың баяғы түсінігі бойынша бұл түні даланы Қыдыр аралайды. Ұлыс күні қазақ елі үшін әрқашан қасиетті, киелі саналған. Халық таза, жаңа киімдерін киіп бір–бірімен қол алысып, амандасып төс қағыстырып жақсы тілектер айтылады. Мерекеге арнап жеті түрлі дәннен наурыз көже дайындалады. Осы күні адамдар арам пиғыл, пендешілік атаулыдан тазарып арылады. Ауыл ақсақалдары араларына жік түскен бауырлас ел, дастарханнан дәм таттырып, табыстырған, жалғыз жарым жетімдерді үйлендіріп, жеке отау тіккен. Алтыбақан басында ән айтып күй тартады. Дәстүрлі ұлттық ойындар: көкпар, аударыспақ, күрес, қыз қуу, тағы басқа ойындар ойналады. Таң ата көпшілік биік төбенің басына шығып, атқан таңды қарсы алады. 22 наурыз күні күн мен түн теңеледі. Табиғат та жер ана да, жан-жануарлар да оянады.

МКҚК «Ақбота» бөбекжайында Наурыз мерекесі  тойланып өтті. Наурыз мерекесі онкүндігі бойынша бірнеше іс-шаралар өткізіліп, балаларға мереке туралы ақпарат беріліп, ата-аналармен көптеген жұмыстар жүргізілді. Наурыз мерекесінде ұлттық тағамдар туралы айтылып, ұмыт қалған салт-дәстүрді жандандыру мақсатында салт-дәстүрлерімізді көрсеттік.  Ұлттық тағамдардың жасалу жолдарын көрсетіп, балаларға ұсындық, дәмін көрді. Наурыз көже жасалынып, бөбекжай балаларына, педагог-тәрбиешілеріне ұсындық. Ата-аналарымызбен далада спорттық ойындар ойнап, қазанға бауырсақ пісіріп, самаурынға шай құйып, таза ауада Наурыз тойын тойладық. Бөекжайымызда Наурыз мерекесі өте керемет өтті. «Ақбота» бөбекжайының тәрбиеленушілерін,  ата-аналарды , ұжымды Наурыз мерекесімен құттықтаймыз.  Ынтымағы жарасқан көп ұлтты еліміздің осы бірлігін құдай ұзағынан сүйіндірген. Әрбір шаңыраққа қыдыр дарып бақ қонсын! Мұсылман қауымына исламның жеті байлығын тілейміз. Ұлыстың ұлы күні құтты болсын!!!