«Жұлдызды сәт» интеллектуалдық сайысы

2021 жылы наурыздың 19- шы жұлдызында  МКҚК  "Ақбота"(Циалковский  көшесі 10)  бөбекжайында  Наурыз  мерекесінің онкүндігіне  және Зияткерлік  күніне орай   "Знайки " және "Почемучки " топтарымен қазақ тілі  мұғалімі  Гулнар  Қабдылсадыққызының  ұйымдастыруымен  «Жұлдызды  сәт»  интеллектуалдық  сайысы  өткізілді.

Мақсаты: балаларға Наурыз мейрамы жөнінде  түсінік  бере отырып, халқымыздың салт-дәстүрлерін  бойларына сiңiру арқылы адамгершілікке, ұлтжандылыққа тәрбиелеу.

          Сайыс бес кезеңде өткізіліп, бүлдіршіндер видеоролик арқылы ұлттымыз салт-дәстүрлерін  тамашалады.  Ортаға топ басшылары  шақырылып   "Бесікке салу", "Тұсау кесу" атты  салт-дәстүрлерімізді айтып сипаттап берді.

          Келесі кезеңде қазақтың ұлы ақыны  Абай  Құнанбаевтың  «Ойын ойнап, ән салмай, өсер бала болар ма?» деп  айтқандай, балалар  «Арқан тартыс», «Ханталапай» қазақтың  ұлттық ойындарымен  сергіп алды.

           «Ас- адамның арқауы» демекші бүлдіршіндер қазақтың ұлттық тағамдары бешбармақ және наурыз көжеге  қажетті құрамдары бейнеленген арнайы  суреттерді жарыса жинап көрсетті.

          Сонымен  қатар қазақтың  ұлттық киімдері, аспаптары  атауын жақсы игергенін  көрсете білді.

           "Наурыз думан"  әуені ойналып, кимешек киген әже қонаққа келіп, балаларға ыстық бауырсақ ұсынды.Әжеге  төр көрпе және тұс кигіз жасалып "Ақыл көпке жеткізер,өнер көкке жеткізер" дегендей  балалар өз өнерлерін паш етті. «Жаңбырменен  жер көгерер, батаменен ел көгерер» дегендей әжеміз балаларға ақ  бата беріп, сайыс өз мәресіне жетті.