«Біз Отанның сарбазы» ертеңгілігі "Көбелек" тобы

Уәлиханов  көшесіндегі  «Ақбота»  бөбекжайындағы  І ересек «Көбелек» тобында тәрбиешілер Накенова Айнур Мухтаровна, Есіркепова Балжан Жумадиллаевнаның ұйымдастыруымен 7 мамыр және 9 Мамыр мереке күндеріне арналған «Біз Отанның сарбазы» атты ертеңгілік өтті. Ертеңгілікте балалар Ұлы Отан соғысы ардагерлеріне, Отан қорғаушы ер азаматтарға арнап өлең шумақтарын оқыды. «Жас ұландар», «Ұландар» атты әндерді музыкалық сүйемелдеу арқылы шырқады. «Катюша», «Закаты Алые» билерімен тамсандырды. «Қасықпен картоп тасу», «Кедергілерден өту» ойындары ойналды. Ертеңгілікте балалар өздерін белсенді көрсетті, ұлдарға қыздар сыйлықтарын тарту етті. Ертеңгілік өте жоғары деңгейде, қызықты және әсерлі болып өтті. Балалар  мерекелік көңіл-күйде болды.