"Күншуақ" тобы тәрбиеленушілерімен дәрумендердің маңыздылығы, ағзаның қорғаушысы туралы "Дәрумендер" атты танымдық-сауықтыру іс-шарасы

МКҚК "Ақбота" бөбекжайының "Күншуақ" тобы тәрбиеленушілерімен дәрумендердің маңыздылығы,  ағзаның қорғаушысы  туралы танымдық-сауықтыру іс-шарасы өткізілді. Балалар А, В, С, D, Е дәрумендері туралы тақпақ жаттап, олардың ағзаға тигізетін пайдасы жайлы толық мәлімет алды.

Дәрумендер тірегің,
АВСДЕ деп аласың.
Жетіспесе бірі оның,
Ауырып сен қаласың.
А – сы қажет көзіңе,
В – сы қажет жүйкеге,
С – дан микроб безінер,
Д – сүйекті нығайтар,-деп тақпақты жаттатып, 

• А дәруменінің көздің көру қабілетін жақсартатынын;

• В дәруменінің жүйке жүйесіне пайдалы екенін;

• С дәруменінің иммунитетті көтеріп, микробтармен күресетінін;

• D дәруменінің сүйектерді қатайтатынын;

• Е дәруменінің бұлшық ет пен терінің саулығына қажетті екенін білді.

Тәрбиешілер балалардың жас ерекшеліктеріне сай, жедел танымдық тапсырмалар, ойындар, көрнекі суреттер арқылы ақпаратты қызықты әрі түсінікті жеткізді. Балалар көкөніс, жеміс-жидектер құрамындағы дәрумендер туралы айтып, дұрыс тамақтанудың маңызын ұғынды. Іс-шара барысында балалар өз денсаулығына жауапкершілікпен қарауға, дәрумендердің қажеттілігін түсінуге және салауатты өмір салтын ұстануға ынталанды. Бұл бағыттағы жұмыс баланың денсаулығын сақтау мен нығайтуда маңызды орын алады.