«Еркетай» ересек тобында «Дәрігердің қабылдауында» атты сюжеттік-рөлдік ойын

МКҚК «Ақбота» бөбекжайының «Еркетай» ересек тобында «Дәрігердің қабылдауында» атты сюжеттік-рөлдік ойын ұйымдастырылды. Іс-шараның мақсаты – балаларды дәрігер мамандығымен таныстыру, адам денсаулығына қамқорлық жасауға баулу және мәдени қарым-қатынас дағдыларын қалыптастыру. Ойын барысында тәрбиеленушілер дәрігер, медбике және науқас рөлдерін сомдап, медицина қызметкерлерінің еңбегімен танысты. Балалар бір-біріне қамқорлық көрсету, сыпайы сөйлесу, кезекті күту және өзара сыйластық таныту дағдыларын меңгерді. Сонымен қатар, денсаулықты сақтау, тазалықты ұстану және жеке бас гигиенасын сақтау туралы түсініктері кеңейтілді. Осындай сюжеттік ойындар арқылы балалардың қиялы дамып, сөйлеу мәдениеті мен әлеуметтік дағдылары қалыптасады.