Текст
21.04.2026
МКҚК «Ақбота» бөбекжайының мектепалды «Құлыншақ» тобының қыздары «Тігін фабрикасы» желілі-рөлдік ойынына белсене қатысты. Іс-шараның мақсаты – балаларды еңбекке баулу, тігінші мамандығымен таныстыру және ұлттық киімдерге деген қызығушылығын арттыру.
Ойын барысында бүлдіршіндер сәнді қазақы нақыштағы киім үлгілерін тігіп, оларды безендіру жұмыстарын орындады. Балалар маталарды таңдап, киім пішіндерін құрастырып, өз қиялдары арқылы әсем ұлттық үлгілер жасады. Сонымен қатар, өзара ынтымақтастық танытып, бір-біріне көмектесе отырып жұмыс жасады.
Осындай желілі-рөлдік ойындар арқылы балалардың шығармашылық қабілеті дамып, ұлттық құндылықтарға деген құрметі арта түседі.