«Менің көңілді шырылдаған добым» атты спорттық-сауықтыру іс-шарасы

🏃‍♀️🏀 МКҚК «Ақбота» бөбекжайында дене тәрбиесі нұсқаушысы А.Н. Усенованың ұйымдастыруымен «Менің көңілді шырылдаған добым» атты спорттық-сауықтыру іс-шарасы өткізілді. Іс-шараға ересек «Еркетай», ортаңғы «Балдырған» және кіші «Күншуақ» топтарының тәрбиеленушілері белсене қатысты. Іс-шараның негізгі мақсаты – балалардың денсаулығын нығайту, қимыл-қозғалыс белсенділігін арттыру, доппен ойналатын ойындар арқылы ептілік, шапшаңдық, дәлдік пен үйлесімділік дағдыларын дамыту, сондай-ақ спортқа деген қызығушылықтарын қалыптастыру. Спорттық мереке барысында бүлдіршіндер жас ерекшеліктеріне сай ұйымдастырылған көңілді эстафеталар мен қимылды ойындарға қатысып, өздерінің белсенділігі мен ептіліктерін көрсетті. Балалар ұйымшылдық танытып, бір-біріне қолдау көрсетіп, тапсырмаларды ерекше қызығушылықпен орындады. Осындай спорттық-сауықтыру іс-шаралары тәрбиеленушілердің дене дамуын жетілдіріп қана қоймай, олардың салауатты өмір салтына деген қызығушылығын арттырып, шынығуына, төзімділігі мен өзіне деген сенімділігін қалыптастыруға зор ықпал етеді.

✨ Дені сау ұрпақ – жарқын болашақтың кепілі! 💙🏀