Өрт қауіпсіздігі

Уәлиханов көшесіндегі МКҚК «Ақбота» бөбекжайында тәрбиеші Қасқырбаева Жұлдызай Жүгериевнаның ұйымдастыруымен   «Нұрсәуле» тобының тәрбиеленушілерімен «Өрт қауіпсіздігі» атты тақырыптық іс-шара  өткізілді.

Мақсаты балаларға өрттің қаншалықты қауіпті екендігі туралы

түсіндіру, оттың тілсіз жау екенін ұқтыру,  өрттен, оттан сақтану жолдарын өрт өшіретін құралды пайдалануды, адам өміріне өрттің зиянды екенін біле отырып сіріңкені, тұрмыстық-техникалық заттарды пайдалану қауіпсіздік ережелерін айтып үйретуде  балаларды өрттің алдын алуға ынталандыру, қоршаған ортаны қорғауға тәрбиелеу болып табылды.

Іс –шара шаттық шеңберінен басталды. Балалар бұл іс –шарада өрттің зияны туралы түсініктер, қауіптілігі туралы мағлұматтар алды.  Балаларға слайд көрсетілді онда балалар өрт туралы толық түсінік алды. Оттықты ұстауға болмайтыны айтылды. Балалар толықтай қатысып отырды. Өрт сөндіру көлігі, өрт сөндіру құралдары макеттері көрсетілді. Өз қолдарымен өрт сөндіру құралдары макеттерін қолдарына ұстап өртті сөндіріп көрді. Сонымен қатар «Түстерді таны» ойыны ойналды. Бұл жерде берілген шарларды түстеріне қарай бөліп ыдыстарға салды. Іс – шараға  балалар белсене қатысты. Іс – шара өз дәрежесінде өтті.