"Балбөбек" тобында Елбасымыздың құрметіне орай ұйымдастырылған «Елбасы – ел тағдыры!» атты тақырыптық-тәрбиелік сағаты

    Аталмыш күннің Тұңғыш Президент күні ретінде тойлануы заңды құбылыс.  Еліміздің Президентін, рәміздерімізді таныстыру, Өз Отанын, туған жерін сүюге, қорғауға, құрметтеуге тәрбиелеу мақсатында
Уәлиханов көшесіндегі «Ақбота» бөбекжайының "Балбөбек" тобында Елбасымыздың құрметіне орай  ұйымдастырылған  «Елбасы – ел тағдыры!» атты тақырыптық-тәрбиелік сағаты өткізілді. Балаларды презентация арқылы мемлекеттің рәміздермен таныстырып өттік.  Бүлдіршіндер Елбасы туралы мағлұмат алып, сұрақтарға жауап беріп отырды. Сондай-ақ балалар ұлттық «Қыз қуу», «Көңілді доптар» сынды ойындарды қызығушылықпен орындады. Тақырыптық-тәрбиелік сағаты соңында балалар «Қара жорға» биін билеп көңілдерін көтерді. Балалар тәрбие сағатын өте белсенді қатысып, өз өнерлерін ортаға салды. Туымыздың тұғыры берік, еліміздің еңсесі биік іргесі мықты болсын деген ниетпен өз мәресіне жетті. Тақырыптық-тәрбиелік тәрбие сағаты ойдағыдай өтіп естелік ретінде суретке түсті.