"Құлыншақ", "Қошақан" даярлық топтарымен 8 наурыз мерекесіне орай "Miss kindergarten 2022" іс-шарасы

МКҚК Уәлиханов көшесіндегі Ақбота бөбекжайында ағылшын тілі мұғалімі Муратова Дина Серікқызы "Құлыншақ", "Қошақан" даярлық топтарымен 8  наурыз мерекесіне орай "Miss kindergarten 2022" іс-шара өткізді. Іс-шара 3 кезеңнен құралды. Іс-шараның басты мақсаты балалардың үлкен сахнаға бейімделіп өздерінің өнерлерін ағылшын тілінде еркін көрсете білу болды. 1 кезең " Introduce yourself" атты тапсырмадан тұрды. Қатысушылардың барлығы өздерің өте жақсы таныстырды. 2 кезеңде жеребе тарту арқылы қыздар өздеріне тақырыпты таңдап алды: ""Numbers", "Fruits", "Days of the week", "Toys", "Colours", "Family". Осы тапсырмада барлық қатысушылар белсенділікті танытты. 3 кезең "Who is faster?" ойынмен аяқталды. Қорытынды жасалғанша ұл балалар қыздарға тосын сый ретінде би арнады. Іс-шараның аяғында қыздарды мадақтама қағазбен марапаттады. Ұлдар қыздарға гүл сыйлап,тәттілер таратылды. Іс-шара ойдағыдай өтті, мақсаттар орындалды, балалар өте белсенді қатысты.