«Кел, төрлет жаңа жыл!»

«Кел, төрлет жаңа жыл!»

Жаңа жыл келді, жаңарып күндер апталар,

      Құттықтауменен жетіп те жатты хат-хабар.

Сарғайған сана, көмескі кеуде қайткенде,

Алғашқы жауған ақ қардай болып ақталар.

           Көңілді шаттыққа бөлеп,

жүрекке ерекше жылулық сыйлайтын мерекелердің бірі-Жаңа жыл. Жақындаған сайын

қоршаған ортада өзгерістер болып жатқан секілді көрінеді. Бар әлем ертегі

әлеміне саяхат жасайтындай. Балалар үшін бұл мереке сиқырмен тең сияқты. Біздің

«Ақбота» бөбекжайы кішкентай тәрбиенушілерге осындай бір сиқыр сыйлағандай

болды. Желтоқсан айының 26-сы күні «Ақбота» бөбекжайында «Кел, төрлет жаңа жыл!»

атты ертеңгіліктер өткізілді. Ертеңгілікке І-кіші «а»  «Балапан», І-кіші «ә» «Күншуақ», І-кіші «б»

«Балдырған» топтары арасында алғашқы Жаңа жылдық ерртеңгілік аталып өтті.

Ертеңгілікке Қорқақ қоян, Айлакер түлкі, Қорбаңдаған аю мырза кейіпкерлері

келді. Балалар әсем безендірілген шыршаның жанында қоянға «Қояндар» биін билеп,

 Түлкінің қулығын балалар бірден біліп,

көмекке Аю мырзаны шақырды. Түлкі айыбын өтеп, балалармен бірге «Шырша»,

«Ұлпақарлар», «Санта» билерін көрермендерге тарту етті. «Кішкентай шырша» әнін

шырқады. Көптен асыға күткен Аяз ата мен Ақшақарда келіп, сиқырлы таяғымен

шыршаның шамдарын жағып сыйлықтарын таратты. Осылайша мереке ойдағыдай өтті.

Кішкентай бүлдіршіндер барынша тырысып, белсенділік танытты. Келе жатқан Жаңа

жыл жаңа табыс, жаңа бақыт әкелсін.

\