МКҚК «Ақбота» бөбекжайында «Бөбекжай аруы-2022» атты педагогтар арасында байқау

МКҚК «Ақбота» бөбекжайында «Бөбекжай аруы-2022» атты педагогтар арасында педагог психолог, хорегораф Ержан Жұлдыздың ұйымдастыруымен байқау болып өтті. Бұл байқау «Рухани жаңғыру» бағдарламасын жүзеге асыру аясында ұйымдастырылып, қазақтың ұмыт қалған салт-дәстүрлерін дәріптеу мақсатында өткізілді. Байқауға бөбекжайымыздың кіші топтар бірлестігінен Балтабай Айдана Жаңбырбаевна, ортаңғы топ бірлестігінен Жүсіпова Салтанат Жәнібекқызы, ересек топ бірлестігінен Накенова Айнура Мухтаровна, мектепалды даярлық топ бірлестігінен Айтжанова Алмагул Сагандыковна, пән бірлестігінен Дүйсембай Аружан Бауржанқызы қатысып, сынға түсті.  Байқаудың «Мен қызықтың қызымын» кезеңінде қатысушылар өздерін жан-жақты сөзбен, өлеңмен немесе әнмен таныстырса, «Өнерлінің өрісі кең» кезеңінде өз өнерлерін ортаға салды, бірі би билеп, енді бірі ән айтты. «Қызды тәрбиелеген-қлтты тәрбиелейді» кезеңінде қатысушыларымз ұмыт қалған салт-дәстүрлерді қайта жаңғыртты десе де болады. Әсіресе «Абысын асы», «Түйе мұрындық» «Орамал жыртыс» ғұрыптарды бірі  білсе, бірі білмес.  Соңғы кезеңде қатысушыларымыз қазақтығ ұлттың киімдерін киіп, таныстырып көрсетті. Байқауымыздың қорытындысы бойынша «Бөбекжай аруы -2022» байқауының бас жеңімпазы Балтабай Айдана Жаңбырбаевна, «Инабатты да сымбатты ару» номинациясымен Айтжанова Алмагул Сагандыковна, «Көрермен көзайымы» номинациямен Накенова Айнура Мухтаровна, «Дарынды ару» номинациясымен Жүсіпова Салтанат Жәнібекқызы, «Тапқыр ару» номинациясымен Дүйсембай Аружан Бауржанқызы марапатталды. Бүгінгі байқауда қатысушыларымыз талғамға сай киініп, сыпайы да үлгілі қылығымен, мәдениеттілігімен ерекшеленіп, байқаудың тапсырмаларын ыждағаттылықпен орындап, мерекелік кешті қыздыра түсті. Байқауымыздың қонағы  Азнабаева Алтын әуелете ән шырқап, көңілдерін көтерді. «Бөбекжай аруы-2022» атты педагогтар арасында өткен бұл байқау өте жоғары деңгейде ұйымдастырылып, өткізілді.