Таңғы жаттығудың маңызы зор

Таңғы жаттығу денсаулыққа өте пайдалы, балаларға таңертеңгілік жаттығуларды жасату арқылы, балалардың белсенділігін артады, бұлшық еттері өседі, қан айналымы жақсарады, қимыл-қозғалысы, жылдамдығы, шапшаңдылығы артады.  "Егер балалар күн сайын таңертең дене жаттығуын жасауға дағдыланса және мүдделі болса, ертеңгілік жаттығу сонысымен құнды. Осындай пайдалы әдет адамда өмір бойында сақталады. Таңертеңгі жаттығу бөбекжайда күнді ұйымдасқан түрде бастауға мүмкіндік береді, күн кестесін дәл орындауға ықпал етеді. Бір уақыттың ішінде бірге жүргізілген бірқалыпты қимыл қызметінде жүгіріп, секіріп, үлгеріп, алып ұшқан балалар тынышталады, ал белсенділігі төмендері белсенділенеді. Мұның бәрі балалардың барлығының да көңіл күйін бірдей етеді, сергітеді, оларды келесі оқу қызметіне даярлайды. Сөйтіп таңертеңгілік жаттығуды бірден ұйқыдан кейін емес, біршама уақыт өткен соң жасағанда оның тәрбиелік маңызы кеңейеді. Ол күн кестесінің бөлінбес ұйымдастырушы сәті болады, балаларды белгілі бір тәртіпке, жинақылыққа үйретеді. Таңертеңгі жаттығу жылдың жылы мезгілдерінде бөбекжай ауласында, ал суық кездерде спорт залда өткізіледі,-дейді "Ақбота" бөбекжайының дене тәрбиесі жөніндегі нұсқаушысы Кайдар Шаймуратович .