АБАЙ атамыздың туған күніне орай «Абай – кемеңгер» тақырыбында әңгіме

МКҚК  «Ақбота»  бөбекжайы кіші «Нұрсәуле»  тобының тәрбиеленушілерімен әр қазақ үшін орны ерекше АБАЙ атамыздың туған күніне орай  «Абай – кемеңгер»  тақырыбында тәрбиеші Абдыкалыкова Дана Сериковна   әңгіме өткізді. Әңгіме өткізудегі басты мақсаты балалардың  Абай Құнанбаев туралы түсініктерін кеңейту, ақынның жыл мезгілдеріне арналған өлең - жырларын, дұрыс түсіне білуге бір - бірінен ерекшеліктерін айыра білуге баулу, шығармалар мазмұны бойынша өсиет - өлеңдерінен балаларға адамгершілік, адалдық, достық, еңбекті сүюге, жалқаулыққа қарсы шығу, Отанды және елді қадірлеуге үйрету. Әңгіменің барысында Абай атамыз Семейдің Шыңғыстау деген жерінде 1845 жылы дүниеге келген. Әкесінің аты Құнанбай. Анасының аты Ұлжан. Әжесінің аты Зере. Өзі кішкентайынан зерек бала болған екен. Әжесінің ертегілерін тыңдап ақылды салмақты ірі тұлға болған екен деп айтып өтті. Сонымен қоса, Абай атамыз артына ойлы да, мәнді өлеңдерімен бірге қара сөздерімен де өшпестей із қалдырғаны туралы да айтып өтілді. Қортынды ретінде,  Абай атамыздың төрт жыл мезгіліне арналған өлең – жырларын еске түсіре отырып   суреттерді бояды. Балалар жақсы көңіл- күймен қатысып,берілген тапсырмаларды мұқият орындап ,сұрақтарға жауап бере алды.