Ұйқыдан кейінгі сауықтыру-шынықтыру шаралары

МҚКК "Ақбота" бөбекжайының ортаңғы "Балбөбек" санаторлық тобының тәрбиеші Атабаева Алтынай Серікқызы күнделікті балалармен ұйқыдан кейінгі сауықтыру-шынықтыру шараларын жүргізеді. Ұйқыдан кейінгі сауықтыру-шынықтыру шараларының мақсаты балалардың дене бітімдерінің дұрыс қалыптасуына, қан айналымының жақсартуына, көздерін дем алтуға, балалардың арқалары, қолдарындағы, табандарындағы нүктелерді оятуға арналған жаттығуларды жасату, суық тиюге және майтабанға қарсы жаттығулар жасау арқылы балалардың денсаулығын нығайту, дене сымбатын жетілдіру, қимыл - қозғалыс дағдыларын дамыту және балалардың көңіл - күйін көтеру, мәдени - гигиеналық талаптарды орындау, тазалыққа, ұқыптылыққа тәрбиелеу болып табылады. Осы мақсаттарды күнделікті  жүзеге асырып, сергіту жаттығулары аяқталған соң міндетті түрде мәдени - гигиеналық талаптар (жуыну, ауыз қуысын тұзды сумен шайқау) орындалады.