"Балапан" кіші тобындағы ашық ұйымдастырылған оқу қызметі

Айтжанова Алмагуль Сагандыковна "Балапан" кіші топта шығармашылықтан "Шырша шамдарын жағамыз" тақырыбында ашық ҰОҚ-ін өткізді. ҰОҚ-і өте жақсы деңгейде өткізілді. Балалар белсене қатысып, сұрақтарға толық жауап берді. Тәрбиеші Айтжанова Алмагүл ҰОҚ-ін жақсы жоспарлаған. Өтпелі тақырып" Менің Қазақстаным" туралы қысқаша айтып өтті. Билингвальды компонентте жаңа сөздер үйреніп, сол сөздерді оқу қызметінде қолданды. Құм терапия технологиясы бойынша балалардың сенсорикасын дамыту мақсатында жасыл құмнан шырша бейнесін салды. Ғажайып сәтте Қоян келіп, көмек сұрады. Балалар Қоянның тапсырмаларын белсене орындады. Шыршаға түрлі-түсті дөңгелек пішіндерді желімдеді. Балалар шыршаға ойыншықтарын тағып, безендірді. ҰОҚ-і стандарт талабына сай өтті.