Туған жерге тағзым

Уәлиханов көшесіндегі "Ақбота" бөбекжайында "Күншуақ" ортаңғы тобының ата-аналарымен  "Рухани жаңғыру" бағдарламасын іске асыру аясында"Туған жерге тағзым" атты отбасылық сайысты тәрбиеші Сатыбалдинова Жанерке Ержановна өткізді. Бұл отбасылық сайысқа қатысқандар: Талғатбеков Арлан және анасы Акылбекова Самал Ерланқызы, Ержан Нұрайлым және әкесі Әуелбеков Нұржан Ержанұлы, Қалымжан Ерасыл және анасы Каримова Динара Бахытовна, Естай Айзере және анасы Абдыкалыкова Дана Сериковна қатысты. Сайыс бағдарламасы төрт бөлімнен тұрды: 1. Таныстыру; 2. "Туған өлкем-табиғатың қандай көркем", 3. "Жері байдың-елі бай", "Өнерлі өрге жүзер". Қатысқан ата-аналар бұл байқауға ерекше дайындалып, өнерлерін ортаға салды. Талғатбеков  Арланның анасы Акылбекова Самал өзінің ғажап даусымен "Туған жер" әнін тамаша орындады. Қалымжан Ерасыл өзінің анасымен керемет таныстыруымен көзге түсті. Абдыкалыкова Дана және қызы Естай Айзеремен өздері пісірген дәмді тағамдарын айтып, көрсетіп, қатысушыларға ұсынды. Ержан Нұрайымның әкесі Нұржан Ержанұлы домбыраны әуелетіп ән шырқап, көңілдермізді бір көтеріп тастады. Нұржан Ержанұлы Бурабай аңыздарын жинақтап, кітапша  шығарып, апайлары Жанерке Ержановнаға тарту етті. Сайысқа қатысушылардың еңбектері бағаланып, бас жүлдені Ержан Нұрайым және әкесі Әуелбеков Нұржан Ержанұлы жеңіп  алды. Барлық қатысқан ата-аналар дипломдармен марапатталды.