"Ботақан" ересек тобында Алғыс айту күні

 "Ботақан" тобында Алғыс айту күнінде балалар осы күннің неліктен мерекелік күн екендігі түсіндірілді.  Алғыс айту күні – бұл, ең алдымен елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанаты күні. Бұл – тағдыр тәлкегімен Қазақстан жеріне еріксіз қоныс аударған түрлі этностардың миллиондаған өкілдерінің құтты қонысына айналған қасиетті қазақ жері мен қонақжай қазақ халқына терең тағзымның белгісі. Қазақ халқы қиын-қыстау заманда олардың басына түскен ауыртпалықты қайыспай бірге көтере білді, бұл бүгінгі таңда еліміздегі түрлі ұлт өкілдерінің арасындағы адамгершілік қарым-қатынастың өнегелі өлшеміне айналды. Тақырыптық сағат соңында балалармен "Кiмдi жақсы көресіздер? ,  Сендерді кiiм жақсы көреді?" сұрақтарға жауап ала отырып, әңгімелестік. Сонымен қатар балаларға  " Алғыспен ел көгерер" деген халық мақалымен таныстырып, жаттатқызды. "Сымсыз телефон" ойынын ойнап, тақырыптық тәрбие сағатын аяқтады.