«Жаз мезгіліне қонаққа барамыз» атты ойын-сауық

«Ақбота» бөбекжайында музыка жетекшісі Шайкенова Әсемгүл Серғалиқызының ұйымдастыруымен ересек «Көбелек» тобымен жазғы сауықтыру іс-шараларын жүзеге асыру мақсатында «Жаз мезгіліне қонаққа барамыз» атты ойын-сауық өткізілді. Мақсаты жаз туралы балалардың түсініктерін кеңейту, жаз айында айналада болатын өзгерістерді, табиғаттағы ерекшеліктерді бақылай білуге үйрету және балаларға қуаныш, көтеріңкі көңіл-күй сыйлау  болып табылды. Балаларға жадыраған жаз мезгілі келіп керемет көңіл сыйлады, гүлдерді әсем етіп бояу тапсырмасын орындады. Балалар тапсырманы қызыға ептілікпен орындап шықты.«Қимылда, қатып қал» биімен сергіп алды.Тосын сый ретінде Маша кейіпкері келіп,балалардан көмек сұрады, ол аюдың тосабын төгіп алған екен. Балалар Машамен бірге аюға «Тосап күні» ойынын ойнады. Соңында балалар өз көңілдерін қағаздан қиылған гүлдер мен көбелектер арқылы көрсетті. Қоштасар келе жаз мезгілі балаларға тәтті сыйлықтар ұсынды. Барлық балалар қуаныштарын білдіріп рахмет айтты.