«Үздік педагог-2017» облыстық конкурс

«Ақбота» бөбекжайында Ақмола облысы білім басқармасының  ұйымдастыруымен мектепке дейінгі оқыту және

тәрбие беру ұйымдарындағы педагогикалық қызметкерлер арасында  «Үздік педагог-2017» облыстық конкурсы өтті.

Бұл конкурсқа облысымыздың 15 үміткері қатысып, бақ сынады. Бұл сайыстың ерекшелігі әр тәрбиешінің ой деңгейі,

ізденімпаз, талантты, шығармашылық қабілеті, кәсіби шеберлігі, эстетикалық

талғамы, өнерге деген қызығушылығын байқау, бағалау және де теория мен

тәжірибені ұштастыра отырып, кәсіби құзыреттіліктерін көрсету.  Біздің Бурабай ауданының туын желбіретіп,

«Ақбота» бөбекжайының тәрбиешісі Ғалымжанова Жанна Амангельдиновна осы

конкурсқа қатысты. Алғашқы құттықтау сөз кезегі «Ақмола облысы және Астана

қаласы білім және ғылым қызметкерлерінің кәсіподағы» қоғамдық бірлестігінің

төрағасы Абдрахманов Бейсенбай Қадырұлы ашып, 

сайысқа қатысушыларға сәттілік тіледі. Байқаудың өзіндік көрсетілімі

«Менің кәсіби ұстанымым» 1 кезеңі бойынша талапкерлер өздерінің шығармашылық  өнерлерін көрсетті.

Қатысушы талапкерлер ұйымдастырылыған оқу қызметтерін таныс емес ортада

өткізіп, өздерін жақсы жағынан көрсете білді. Біздің Жанна Амангельдиновна «Бөбек» бөбек-бақшасында «Балапан» таныс емес

тобында ұйымдастырылған оқу үрдісін жүргізу барысында жасқа және оқу жоспарына

сәйкестік, ҰОӘ-інде инновациялық технологиялар мен әдістер қолданысы, ҰОӘ-нің

құрылымы, оқу уақытын тиімді пайдалануы, тәрбиеленушілердің өздерін

зияткерлік-шығармашылық жақтан көрсетуіне жағдай жасау сияқты шарттарды

бағалауда жоғары ұпаймен алға шығып отырды. Конкурстың қорытынды «Шығармашылық

зертхана» кезеңі қатысушылардың педагогикалық қызметінің көркемдік көрінісі,

жұмыс материалдарының көрсетілім материалды таныстыру кезіндегі ерекшелік пен

шығармашылық, педагогтың әдістемелік тақырыбын іске асыру мақсатында заманауи

білім технологияларын қолдануы т.б. шарттармен бағалауда Жанна Амангельдиевна  өз қызметінің шығармашылық жүйесін, еңбектерін

көрсетіп, қазылар алқасының  бағалауымен 15

 қатысушының арасынан бәйгеден озып

шығып, осы  байқауда бірінші орынға ие

болды. Бөбекжайымыздың осындай шығармашылық жемісін, үлкен еңбегін Жаннаның осы

жеңісінен көруге болады. Республикалық «Үздік педагог-2017» конкурсына жолдама

алды. Жұлдызың жана берсін Жанна,- деп ұжым өз тілектерін білдірді.

,