Көңілді мәре-2017

Көңілді мәре-2017

          Мықты денсаулықтың, дененің дұрыс

жетілуінің негізі  нақ осы мектеп жасына

дейінгі  бөбекжайлық шақта қаланады,

қозғалыс қызметінің қалыптасуы, сондай-ақ дене қасиеттерінің бастапқы  тәрбиесі де осы бөбекжайдағы осы жылдарда  өтеді. Қазіргі табиғи-әлеуметтік және

экологиялық жағдайға байланысты балалардың денсаулық мәселесі жаһандық деңгейге

жетіп отыр. Денсаулық – адамның табиғаттан алатын бірден-бір бағалы сыйлығы.

Оны шыңдау үшін, әр адам өзінің ағзасын шамасынша шынықтырып, салауатты өмір

сүруге ұмтылуға тиіс. Бұл ұмтылыс  бөбекжайдағы

кезеңдерден басталатынын өмірден байқауға болады. Демек, дене тәрбиесі жұмысы

дұрыс жолға қойылу үшін ең әуелі 

ұйымдастырылған оқу іс-әрекеті, денсаулық ойындары, таңғы жаттығу, түскі

ұйқыдан кейінгі жаттығулар, денсаулық күндері, спорттық мерекелер  қызық та, әсерлі бүлдіршіндер үшін тиімді өту

керек.

       Біздің

бөбекжай педагогтары дене тәрбиесі жұмысын құрғанда балалардың қозғалыстарын

жетілдіру, қимылдық дағдыларын және дененің икемділік, шапшаңдық, күштілік,

төзімділік сияқты қасиеттерді қалыптастыруға негіз болатын жаңашыл

педагогикалық, денсаулық технологияларын кеңінен қолданады. Денсаулық сақтау

технологиялары - бұл балалардың денсаулығының сақтауы және дамытуы бойынша

білім беретін кеңістік жұмысының жүйесі деп білеміз. Күнделікті ұйымдастырылған

оқу қызметін, спорттық мерекелерді, «Денсаулық күндерін» ертегі желісі немесе

мультфильм көріністерімен байланыстырып, жарыс-сайыс түрінде өткіземіз. Бұл

жерде өзара жарысса ойнап, тапсырманы орындағаны  бала денсаулығы үшін маңызды,

әрі көңілді. Балалар  тез, тура

жүгіру кезінде бар күшін салуға дағдыланады. Шапшаң епті қимылдауға үйренеді. Ұйымшыл болып, команда мүддесі үшін жақсы нәтиже көрсетуге

тырысады. Айналаны бағдарлап аз уақытта өзінің және қарсыласының әрекетін байқап үлгереді. Сонымен қатар,

тәрбиеленушінің икемділігі мен төзімділік

қабілеттері арта түседі

         Бөбекжайдағы «Мәңгілік ел» патриоттық актісінің жұмыс жоспары бойынша  «Ақбота» бөбекжайының дене тәрбиесі нұсқаушыларының

ұйымдастыруымен аудандық мектепке дейінгі мекемелер арасындағы «Көңілді мәре-2017»

спорттық мерекесі алғаш рет ұйымдастырылып, өткізілді. Бұл спорттық мерекеге

«Одуванчик» бөбекжайынан «Крепыши» тобы мен «Ақбота» бөбекжайынан «Тұлпарлар»

тобы қатысып, өзара қызу жарысқа түсіп, қарсыластарының алды болу үшін күш

сынасты.

     Жүздері бал-бұл жанған

тәрбиеленушілер әр тапсырманы орындауға бар күшін салып, шапшаң да, епті

қимылдап, ұйымшылдықтарын көрсете білді. Дене тәрбие нұсқаушылары Көшербаев

Сағыныш пен Шаймуратов Еркебұлан спорттық мерекенің әр тапсырмасын балалардың

жас ерекшелігіне, қимыл-қозғалыс талаптарына сай дайындаса,  ал, саз жетекшілері Исенова Сымбат, Жалманбетова

Райхан, хореграф Камалиева Әсемгүл музыка жағынан өздерінің көмектерін

көрсетіп, «Фиксики» мульфильм желісінің кейіпкерлері болып киініп, мерекені

қызықтыра  түсті. «Ботақан» және «Көбелек»

тобының бишілері «Спорт» биін орындап, мерекені аша түсті. «Одуванчик»

бөбекжайының дене тәрбиесі жөніндегі нұсқаушысы Романова Наталья Александровна,

саз жетекшілері Петерсон Олеся Сергеевна, Нургужина Алия Оспановна тәрбиеленушілерін

осы сайысқа дайындап, бөбекжайдың намысын қолдап, спорттық мерекеге өте жақсы

белсене қатысып, өз дайындықтарын көрсете білді.  Бурабай аудандық білім бөлімінің әдіскері

Қабыкова Әсия Хамитқызы, «Одуванчик» бөбекжайының қазақ тілі мұғалімі Елубекова

Гүлнәр Қабдылсадыққызы, «Ақбота» бөбекжайының шаруашылық меңгерушісі Омарова

Гульден Қайргелдіқызы әр тапсырманы әділ бағалап, Бурабай ауданы мектепке

дейінгі мекемелер арасындағы «Көңілді мәре» спорттық мереке КУБОГЫН «Ақбота»

бөбекжайының «Тұлпар» командасына тарту етіп, «Одуванчик» бөбекжайының «Крепыши»

командасын мадақтамамен марапаттады. Қабыкова Әсия Хамитқызы осы спорттық

мерекеге қатысқан, ұйымдастырған педагогтарды да назардан тыс қалдырмай,

мадақтамамен марапаттап, құттықтады.

Осылайша жарыс жолын тартамыз,

Барлығымыз көңілді боп

қайтамыз,-деп  аудандық мектепке дейінгі

мекемелер арасындағы «Көңілді мәре-2017» спорттық мерекесі өте қызықты, тамаша

әсерлі өтті. Жауқазындай жайнаған тәрбиеленушілеріміз ұжыммен араласу,

бір-біріне көмектесу, жаңашыр болу сияқты адамгершілік қасиеттерін,

жылдамдықтарын, ой-өрістерін, күш-жігерлерін  көрсете білді.

      Осындай игі іске қолдау көрсеткен Бурабай

ауданы білім бөлімінің басшысы Тулегенов Жангелді Мейрамұлына, «Ақбота»

бөбекжайының директоры Бостанбаева Бақыт Асылбекқызына, спорттық мерекеге

қызығушылық білдіріп, қатысуға ұйымдастырған «Одуванчик» бөбекжайының

директоры   Алтаева Эльмира Турашевнаға алғысымызды

білдіреміз. Аудандық мектепке дейінгі мекемелер арасындағы «Көңілді мәре-2017»

спорттық мерекесіне ауданымыздың басқа да балабақшалар қатысып,  жыл сайын жалғасын тауып, дәстүрлі түрде

ұйымдастырылып, өткізіледі деген сенімдеміз.

«Ақбота» бөбекжайының

әдіскері

 Бекенова Меруерт Джексенбекқызы