Өрт сөндіру жасағына экскурция

        Ғаламдағы ең қауіпті мамандықтардың бірі-өрт сөндіруші қызметі. Нағыз ер азаматтарға тән мамандық жүректілік пен батылдылықты талап етеді. Күнде өлім мен өмірдің арасында арпалысып жүрген батырлардың құрал-саймандары  сақадай сай, дайындықтары жоғары болуы керек. Себебі, бұл іс сәл мүлт кетуді кешірмеуі мүмкін. Егер белгілі бір жерде өрт шыққан жағдайда ең бірінші қоңырау дабылы осы мекемеге түседі. Арнайы тұтқада отырған кезекші диспетчер оқиға болған орынды анықтап, жақын маңдағы өрт сөндіру көлігін жіберуге тырысады. Лаулаған оттың көп аймақты шарпымай тұрғанша, өрт сөндірушілер жедел қимылдап, сөндіруге жанталасады. Дабыл қоңырауы түскен жерге бірінші болып жеткен өрт сөндірушілердің ең бірінші арнайы құбыршекті жақын маңдағы су ағатын құбырларға болмаса көліктің су сақтайтын бөлігіне қосады. Қызыл жалынның беті қашан қайтатынын ешкім білмейді. Кейбір лаулаған отпен арпалыс, бірталай күнге де созылуы мүмкін. Осы уақытта шарпыған оттың арасында қалып қойған жандарды құтқару үшін өрт сөндірушілерге лаулаған жалынның ортасына кіруге тура келеді...... Міне, өрт сөндіруші мамандық туралы ойлар...

               «Ақбота» бөбекжайында өрт қауіпсіздігінің алдын алу шараларына байланысты мектепалды, ересек топ тәрбиеленушілеріне «өрт сөндіруші», «құтқарушы»  мамандықтары туралы толық түсінік алсын деген мақсатта  18 наурыз күні Ақмола облысының ТЖД “ӨСжәнеАҚЖҚ” РММ Щучье қаласы жасағының №7 мамандандырылған өрт сөндіру бөліміне экскурция жасадық.  Бұл экскурцияның  мақсаты отпен күресушілердің және өрттен құтқару қызметінің басқа да қызметкерлерінің күнделікті қызметімен танысу және «өрт сөндіруші», «құтқарушы»  мамандықтары туралы білетін ақпараттарын толықтыру  болып табылды. Щучинск қаласы жасаққа қарасты №7 мамандандырылған өрт сөндіру бөлімі бастығы азаматтық қорғау  подполковнигі Круглов Владимир Викторович және инспектор психолог, азаматтық қорғау капитаны Барышева Толқын Асқаровна балалардың өрт сөндіру қызметтерінің жұмысы туралы білімдерін кеңейте отырып, қызықты іс-шара ұйымдастырып, өткізді және де  арнайы көлік бөліп, бөбекжай тәрбиеленушілерін экскурцияға апарып, алып келу жағын ұйымдастырды.  Балаларға қарауыл үй-жайымен серуендеу, өрт техникасының барлық бөлшектерін қарап қана қоймай, ішінде отыруға болатын гаражға бару қызықты болды. Экскурсия барысында Щучинск қаласы жасаққа қарасты №7 мамандандырылған өрт сөндіру бөлімінің командирі,  азаматтық қорғау сержанты Газизов Ерлан Нурланұлы балаларға өрт шығу қаупі жайлы айтып, дабыл қоңырауы түскен жағдайда өрт сөндірушілердің әрекеті, өрт сөндірушілердің өрт сөндіру машинасын қолдану арқылы өртті сөндіру әрекетін  көрсетті.   Өрт сөндірушілердің жауынгерлік киімдерімен және қорғаныс құралдарымен танысты, сондай-ақ өрт-техникалық құрал-жарақтарды қарады. Өрт сөндірушілер өздерінің кәсіби дағдыларын көрсетіп қана қоймай, сонымен қатар тәрбиеленушілерге өздері қолданатын жабдықтың әрбір элементі туралы егжей-тегжейлі түсініктемелер беріп өтті.  Іс-шара барысында тәрбиеленушілерге өрт қауіпсіздігі ережелерін сақтаудың маңыздылығы туралы ақпарат айтылды. Балалар тұрмыстық өрттің алдын алу және төтенше жағдайда қалай тиімді әрекет ету туралы құнды мағлұмат алды.

Щучинск қаласы жасағының бастығы азаматтық қорғау  подполковнигі Базарбаев Руслан Бериковичтің басшылығымен өткізілген бұл экскурцияда өрт қызметкерлері жоғары тактикалық шеберлiктерiмен, белсендi, табанды iс-қимылдарымен,  шешушi бағытқа күш пен құралдарды дер кезiнде шоғырландыруды енгiзумен, оларды шебер басқарумен өздерін өз кәсібінің шынайы мамандары екенін көрсете білді.

Өйткені, осындай іс-шаралардың арқасында балаларда отпен қауіпсіз жүріс-тұрыс мәдениеті қалыптасады, балалардың тентектігіне байланысты оқиғалардың туындау қаупі азаяды.

Бізге өрт қауіпсіздігінің алдын алу  мақсатында өткен осы тәжірбиелік экскурцияны ұйымдастырған Щучинск қаласы өрт сөндіру бөліміне және Щучинск қаласы жасаққа қарасты №7 мамандандырылған өрт сөндіру бөлімдерінің өрт сөндіру қызметкерлеріне, атап айтар болсақ Щучинск қаласы жасағының бастығы азаматтық қорғау  подполковнигі Базарбаев Руслан Бериковичке, азаматтық қорғау  майоры Круглов Владимир Викторовичке, инспектор психолог, азаматтық қорғау капитаны Барышева Толқын Асқаровнаға және тәжірбиелік  экскурцияны өткізген  қызметкер азаматтық қорғау сержанты Газизов Ерлан Нурланұлына, бізді өрт сөндіру бөліміне апарып, алып келген жүргізуші , азаматтық қорғау  сержанты Турлыбеков Асет Амантаевичқа, аға өрт сөндіруші азаматтық қорғау  сержанты Нұркен Сәлімжан Болатұлына  алғысымызды айтамыз.